ജനനേന്ദ്രിയത്തിൽ അസഹ്യമായ വേദനയോടെ ആലപ്പുഴ ജനറൽ ആശുപത്രിയിൽ പ്രവേശിപ്പിച്ച യുവാവിന്റെ  ജനനേന്ദ്രിയത്തിൽ നിന്നും 7 സെന്റീമീറ്റർ നീളമുള്ള പോത്തട്ടയെ നീക്കം ചെയ്തു. ഡോ.പ്രിയദർശന്റെ നേതൃത്വത്തിലുള്ള സംഘമാണ് ശസ്ത്രക്രിയ ഇല്ലാതെ തന്നെ അട്ടയെ പുറത്തെടുത്തത്. യുവാവ് തോട്ടിൽ കുളിക്കാൻ ഇറങ്ങിയപ്പോഴാണ് അട്ട ജനനേന്ദ്രിയത്തിൽ കയറിയത്.‌

നൂൽ വലിപ്പത്തിലുള്ള അട്ട മൂത്രനാളിക്ക് ഉള്ളിൽ കയറി രക്തം കുടിച്ച് വലുതാകുകയായിരുന്നു. അട്ട കൂടുതൽ ഉള്ളിലേയ്ക്ക് കയറാതിരിക്കാൻ വേണ്ട മുൻകരുതൽ എടുത്തതിനുശേഷം  വളരെ സൂക്ഷ്മമായാണ് അട്ടയെ പുറത്തെടുത്തതെന്ന് ഡോക്ടർമാർ അറിയിച്ചു. തുടർന്ന് വിദ​ഗ്ധചികിത്സ നൽകി യുവാവിനെ വിട്ടയച്ചു.