ഓറഞ്ചിൽ  ധാരാളം  പോഷകഘടകങ്ങൾ അടങ്ങിയിരിക്കുന്നുണ്ട്. രക്ത സമ്മർദ്ദം നിയന്ത്രിക്കാനും,  ഗർഭകാലത്തും, കണ്ണുകളുടെ ആരോഗ്യത്തിനും, വയറിലെ അൾസർ തടയുന്നതിനും, മലബന്ധത്തിനു  ശമനമുണ്ടാകാനുമൊക്കെ ഓറഞ്ച് നല്ലതാണ്. നാരകവർഗചെടികളിൽ ഏറ്റവും പ്രസിദ്ധിയുള്ള ഫലമാണ് ഓറഞ്ച് . ഒരു ദിവസം ഒരു ഓറഞ്ച് കഴിക്കുന്നത് വളരെ നല്ലതാണ് . കലോറിയിൽ കുറവാണെങ്കിലും ആരോഗ്യത്തെ പ്രോത്സാഹിപ്പിക്കുന്ന വളരെയധികം പോഷകഘടകങ്ങളാണ് ഓറഞ്ചിൽ അടങ്ങിയിരിക്കുന്നത്. ഓറഞ്ചുകൾ വിറ്റമിൻ സിയുടെ കലവറയാണ് കൂടാതെ നാരുകളുടെയും .  വിറ്റമിൻ ബി 1 , പാൻടൊതെനിക് ആസിഡ് , ഫോളേറ്റ് , വിറ്റമിൻ എ , കാത്സ്യം , ചെമ്പ് , പൊട്ടാസ്യം എന്നിവയുടെയും ഉറവിടമാണ് ഓറഞ്ച് . ഏകദേശം 154 ഗ്രാം വരുന്ന ഒരു ഇടത്തരം ഓറഞ്ചിൽ 80 കലോറി ഊർജം , 250 മില്ലിഗ്രാം പൊട്ടാസ്യം , 19 ഗ്രാം കാർബോഹൈഡ്രേറ്റ്, 1 ഗ്രാം പ്രോട്ടീന് എന്നിവ അടങ്ങിയിരിക്കുന്നു. 
ഒരു ഓറഞ്ച് നിത്യേന നമുക്ക് വേണ്ട വിറ്റമിൻ സിയുടെ 130 ശതമാനം നൽകുന്നു , 2 ശതമാനം വിറ്റമിൻ എ ആവശ്യകതകൾ , 6 ശതമാനം കാത്സ്യം , ഇരുമ്പ്  എന്നിവയും നൽകുന്നു.