തൃശൂർ നഗരത്തിന്റെ തിരക്കേറിയ പ്രദേശത്ത് കഞ്ചാവ് ചെടി കണ്ടെത്തി എക്സൈസ് വകുപ്പ്. നഗരമധ്യത്തിൽ ശക്തന്‍ ബസ് സ്റ്റാന്‍റ് പരിസരത്ത് നിന്നാണ് കഞ്ചാവ് ചെടി കണ്ടെടുത്തത്. വളരെ കൂടിയ ഇനം ലഹരി നൽകുന്ന ചടയൻ വിഭാഗത്തിലുള്ള ചെടിയാണ് ഇതെന്ന് എക്സൈസ് എത്തി സ്ഥിരീകരിച്ചു. ചെടി പരിപാലിച്ചുവന്നിരുന്ന ആളെക്കുറിച്ച് നാട്ടുകാർ പൊലീസിന് സൂചന നൽകിയെന്നാണ് റിപ്പോർട്ട്. സിസി ടിവി ദൃശ്യങ്ങൾ കൂടി ഒത്ത് നോക്കിയതിന് ശേഷം പോലീസ് പ്രതിയെ അറസ്റ്റ് ചെയ്യും. നഗരമധ്യത്തിൽ കഞ്ചാവ് ചെടി വളരുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിലാണ് എക്സൈസ് എത്തി പരിശോധനകൾ നടത്തിയത്. ഒന്നര അടി ഉയരമുള്ള കഞ്ചാവ് ചെടിക്ക് പൂർണ്ണ വളർച്ചയെത്താന്‍ നാലര അടി കൂടി വളരണമെന്നാണ് എക്സൈസ് കണ്ടെത്തിയത്.