സ്ത്രീകളുടെ പേരിൽ ഫേസ്‌ബുക്കിൽ വ്യാജ അക്കൗണ്ടുണ്ടാക്കി അതിലൂടെ സ്ത്രീകൾക്ക് അശ്ളീല ചിത്രങ്ങളും വീഡിയോകളും അയയ്ക്കുന്ന യുവാവ് പിടിയിൽ. മലപ്പുറം പെരുവള്ളൂര്‍ പറമ്പിൽപീടിക വടക്കീല്‍മാട് പുറായില്‍ ആഷിഫിനെയാണ് തേഞ്ഞിപ്പലം പൊലീസ് അറസ്റ്റ് ചെയ്തത്. കാലിക്കറ്റ് സർവകലാശാലയിലെ ഒരു അദ്ധ്യാപിക സമർപ്പിച്ച പരാതിയിന്മേലാണ് പോലീസ് നടപടിയെടുത്തത്. സ്ത്രീകളുടെ പേരിൽ വിവിധ വ്യാജ ഐഡികൾ ഉണ്ടാക്കി സ്ത്രീകൾക്ക് സൗഹൃദ അഭ്യർത്ഥന നൽകി അടുത്തശേഷമാണ് ഇയാൾ മെസ്സഞ്ചറിലൂടെ അശ്ളീല സന്ദേശങ്ങൾ അയയ്ക്കുന്നതെന്ന് പോലീസ് പറയുന്നു. 25 വയസുകാരനായ ആഷിഫ് നിരവധി സ്ത്രീകളോട് മോശമായി പെരുമാറിയതായി പരാതിക്കാർ വെളിപ്പെടുത്തി.