കന്യാസ്ത്രീ മഠത്തിലെ അന്തേവാസിയായ വിദ്യാർത്ഥിനി മഠത്തിനുള്ളിലെ കിണറ്റിൽ മരിച്ച നിലയിൽ   കണ്ടെത്തി. ആത്മഹത്യ ആകാൻ ആണ് സാധ്യതയെന്നാണ് പ്രാഥമിക പൊലീസ് നിഗമനം. എന്നാൽ പോസ്റ്റ്‌മോർട്ടം കഴിഞ്ഞ് റിപ്പോർട്ട് ലഭിച്ചാൽ മാത്രമേ ഇത് സംബന്ധിച്ച കൂടുതൽ വിവരങ്ങളിൽ വ്യക്‌തത വരുത്താൻ സാധിക്കുള്ളു എന്നും ഉന്നത പോലീസ് ഉദ്യോഗസ്ഥര്‍ അറിയിച്ചു.

അതേ സമയം, ഇന്ന് രാവിലെ പതിനൊന്നരയോടെ സന്യാസിനി വിദ്യാര്‍ത്ഥിനിയായ ദിവ്യ കിണറ്റില്‍ ചാടുകയായിരുന്നുവെന്നാണ് മഠത്തിലെ മറ്റ് കന്യാസ്ത്രീകളുടെ മൊഴി.പ്ലസ് ടു വിദ്യാഭ്യാസത്തിന് ശേഷം കഴിഞ്ഞ അഞ്ച് വര്‍ഷമായി മഠത്തിലെ അന്തേവാസിയായി സന്യാസന പഠനത്തിലായിരുന്നു ദിവ്യ.

ഫയർ ഫോഴ്സ് എത്തി കിണറ്റിൽ നിന്നും മൃതദേഹം പുറത്തെടുത്ത ശേഷം പുഷ്പഗിരി മെഡിക്കല്‍ കോളേജ് ആശുപത്രിയിലെ മോര്‍ച്ചറിയിലേക്ക് മാറ്റി.