പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയ കേസിൽ ഒരാൾ അറസ്റ്റിൽ . വയറുവേദനയെത്തുടർന്ന് പെൺകുട്ടിയെ ആശുപത്രിയിലെത്തിച്ചപ്പോഴാണ് ഗർഭിണിയാണെന്നറിയുന്നത് . കൊല്ലം ചിതറ സ്വദേശി 45 വയസുകാരൻ സിറാജാണ് പോക്സോ നിയമ പ്രകാരം അറസ്റ്റിലായത് . ആശുപത്രി അധികൃതർ വിവരം ചൈൽഡ് ലൈനിനെ അറിയിച്ചതിനെ തുടർന്നു നടത്തിയ അന്വേഷണത്തിലാണ് കുട്ടി പീഡിപ്പിക്കപ്പെട്ട വിവരം പുറത്തറിയുന്നത് . ചൈൽഡ് ലൈൻ നൽകിയ പരാതിയുടെ അടിസ്ഥാനത്തിൽ നടത്തിയ അന്വേഷണത്തിൽ സിറാജിനെ പിടികൂടുകയായിരുന്നു . പെൺകുട്ടിയുമായി അടുപ്പത്തിലായിരുന്നു എന്നാണ് പ്രതി മൊഴി നൽകിയത്. 
ഇയാളുടെ വീട്ടിലും പെൺകുട്ടിയുടെ വീട്ടിലും വച്ച് പല തവണ പീഡിപ്പിച്ചതായും പ്രതി  സമ്മതിച്ചിട്ടുണ്ട് .