കണ്ണൂർ പാലത്തായിയിൽ നാലാം ക്ലാസുകാരിയെ പീഡിപ്പിച്ച ബിജെപി നേതാവ് പത്മരാജന്‍ അറസ്റ്റില്‍. വിളക്കോട്ടൂരില്‍ നിന്നാണ് പ്രതിയെ പിടികൂടിയത്. ഇയാള്‍ മറ്റൊരു ബിജെപി പ്രവര്‍ത്തകന്റെ വീട്ടില്‍ ഒളിവില്‍ കഴിയുകയായിരുന്നു. അധ്യാപകൻ കൂടിയായ ഇയാൾ കുട്ടിയെ പലവട്ടം പീഡിപ്പിച്ചതായി പരാതി ലഭിച്ചിട്ട് ഒരു മാസമായിട്ടും അറസ്റ്റ് നടക്കാത്തതിനെത്തുടർന്ന് സംസ്ഥാനത്താകെ വ്യാപക പ്രതിഷേധങ്ങൾ അരങ്ങേറിക്കൊണ്ടിരുന്ന ഘട്ടത്തിലാണ് അറസ്റ്റ്. ഇയാൾ സംസ്ഥാനം വിട്ടതായി വാർത്തകൾ വന്നിരുന്നുവെങ്കിലും പോലീസ് ഊർജിതമായി അന്വേഷിച്ച് ഇയാളെ പിടികൂടുകയായിരുന്നു. ഇയാൾക്കെതിരെ പോക്സോ നിയമപ്രകാരമുള്ള നടപടികൾ എത്രയും വേഗം സ്വീകരിക്കണമെന്നാണ് പ്രതിഷേധപ്രവർത്തകരുടെ ആവിശ്യം.