തിരുവനന്തപുരം : കഴക്കൂട്ടം,കുളത്തൂർ സ്വദേശി സുരേഷ് ആണ് ഭാര്യയെയും മകനെയും കഴുത്ത് ഞെരിച്ചു കൊലപ്പെടുത്തിയ ശേഷം ആത്മഹത്യ ചെയ്‌തത്‌. ഉച്ചയോടെയാണ് ഇവരെ വീടിനുള്ളിൽ മരിച്ച നിലയിൽ കണ്ടെത്തിയത്.സുരേഷ് (37) ഭാര്യ സിന്ധു (30) മകൻ ഷാരോൺ (9) എന്നിവരാണ് മരിച്ചത്. വിദേശത്തായിരുന്ന സുരേഷ് രണ്ടാഴ്ച്ച മുൻപാണ് നാട്ടിൽ എത്തിയത്. ഇപ്പോൾ ഇയാൾ ഓട്ടോഡ്രൈവർ ആയി ജോലി എടുക്കുകയായിരുന്നു. ഭാര്യയെയും മകനെയും കഴുത്ത് ഞെരിച്ച് കൊന്നതിനു ശേഷം ഇയാൾ ആത്മഹത്യ  ചെയ്‌തു എന്നുള്ള പ്രാഥമിക വിവരമാണ് പൊലീസ് നൽകിയത്.കൂടുതൽ അന്വേഷണത്തിനായി ബന്ധുക്കളിൽ നിന്നും മൊഴി എടുക്കുമെന്നും പൊലീസ് വ്യക്തമാക്കി.