മലയാളി ദമ്പതികളെ കൊട്ടിയൂർ അമ്പായത്തോടിന് സമീപമുള്ള ഷെഡിൽ കെട്ടിയിടുകയും,ഭാര്യയെ മൂന്ന് ദിവസത്തോളം പീഡിപ്പിക്കുകയും ചെയ്തെന്ന് പരാതി.ഇരുവരുടെയും പേരിലുള്ള നാലേക്കർ ഭൂമിയിലെ ഷെഡിൽ വെച്ചാണ് ഭാര്യക്ക് നേരെ ലൈംഗികാക്രമണം ഉണ്ടായത്.രണ്ടു ഷെഡുകളിലായി ഇരുവരെയും മൂന്ന് ദിവസത്തോളം കെട്ടിയിട്ടതിനു ശേഷം മർദിക്കുകയും,എ.ടി.എം. മൊബൈൽ ഫോൺ തുടങ്ങിയവ പിടിച്ചു വാങ്ങുകയും ചെയ്‌തു.അതേ സമയം ഷെഡിൽ വെച്ച് തന്നെ പീഡിപ്പിച്ചുവെന്നും സ്ത്രീ മുഖ്യമന്ത്രിക്ക് കൊടുത്ത പരാതിയിൽ പറയുന്നു.

ഫെബ്രുവരി 19 ന് പുലർച്ചെ ഭർത്താവ് ഷെഡിൽ നിന്ന് രക്ഷപെട്ട് അടുത്ത വീട്ടിൽ എത്തി കാര്യങ്ങൾ അറിയിച്ചു.ഇയാൾ രക്ഷപെട്ടെന്ന് മനസിലായതോടെ പ്രതികൾ സ്ഥലം കാലിയാക്കി.സംഭവത്തിന് ശേഷം മുഖ്യമന്ത്രിക്കും ഇരിട്ടി ഡി.വൈ .എസ്.പിക്കും പരാതി നൽകിയതിനെ തുടർന്ന് കേരള പോലീസ് കേസ് ഏറ്റെടുത്ത് അന്വേഷണം ആരംഭിച്ചു.