തിരുവനന്തപുരം ഫോർട്ട് പൊലീസ് സ്റ്റേഷനിൽ ആത്മഹത്യയ്ക്ക് ശ്രമിച്ച പ്രതിയുടെ കൈയിൽ നിന്നും കത്തി പിടിച്ചു വാങ്ങുന്നതിനിടെ പൊലീസുകാരന്റെ കൈക്ക് പരിക്ക്. പൊലീസുകാരന്റെ  കയ്യുടെ ഞരമ്പ് മുറിഞ്ഞു. ഇന്നലെ വൈകീട്ട് 6 മണിയോടെയാണ് സംഭവം നടന്നത്.
മെഡിക്കൽ കോളേജിൽ പ്രവേശിപ്പിച്ച പൊലീസ്കാരൻ അജി (40) പ്ലാസ്റ്റിക് സർജറിക്ക്  വിധേയനായി.
സ്റ്റോർ റൂമിൽ സൂക്ഷിച്ചിരുന്ന കത്തിയാണ് പ്രതിയുടെ കയ്യിലെത്തിയത്. ഈ കത്തിയെടുത്ത് പ്രതി ആത്മഹത്യയ്ക്ക് ശ്രമിക്കുകയായിരുന്നു. ഇയാളെ പിന്തിരിപ്പിക്കാൻ ശ്രമിക്കുന്നതിടെ നടത്തിയ മൽപ്പിടുത്തത്തിനിടെയാണ് പൊലീസ്കാരന്റെ വലത് കൈക്ക് പരിക്കേറ്റത്. എന്നാൽ സംഭവം നിസാരവത്കരിച്ച്  മൂടി വെയ്ക്കാൻ  പൊലീസിന്റെ ഭാഗത്ത് നിന്നും ശ്രമം നടക്കുന്നുണ്ട്.