കൊച്ചി മട്ടാഞ്ചേരിയിൽ വ്യാജനോട്ടുകൾ നൽ​കി കച്ചവടക്കാരെ കബളിപ്പിച്ചതായി പരാതി. 2000,500,200,50 രൂപകളുടെ വ്യാജന്മാരാണ് വിപണിയിൽ എത്തിയിരിക്കുന്നത്. ഒറിജിനലിനെ വെല്ലുന്ന രൂപമുള്ള ഈ നോട്ടുകളിൽ റിസർവ്വ് ബാങ്ക് ഓഫ് ഇന്ത്യ എന്നതിനു പകരം ചിൽഡ്രൻസ് ബാങ്ക് ഓഫ് ഇന്ത്യ എന്നാണുള്ളത്. കൂടാതെ സീരിയൽ നമ്പരുകൾക്ക് പകരം 0 ആണ് കൊടുത്തിരിക്കുന്നത്.  പ്രായമായ വഴിവാണിഭക്കാർ, മത്സ്യവില്പനക്കാർ, ലോട്ടറി കച്ചവടക്കാർ എന്നിവരാണ് കബളിപ്പിക്കലിന് ഇരയായത്.