തലസ്ഥാന നഗരത്തിലെ ഹോളി  ഏയ്ഞ്ചൽസ് സ്കൂളിലെ  എട്ടാം ക്ലാസ്സ്‌ വിദ്യാർത്ഥിനി ലൈംഗിക പീഡനത്തെ തുടർന്ന് ആത്‍മഹത്യ ചെയ്‌ത സംഭവത്തിൽ സ്കൂൾ വാൻ ഡ്രൈവർക്ക്‌ എതിരെ പോക്സോ കുറ്റം ചുമത്തി കോടതി ഉത്തരവിട്ടു. പ്രതി സമർപ്പിച്ചിരുന്ന വിടുതൽ ഹർജി തള്ളിയതിന് പുറമെ കേസിലെ ആദ്യ മൂന്നു സാക്ഷികളെ ജനുവരി 21 ന് ഹാജരാക്കാൻ കരമന സർക്കിൾ ഇൻസ്‌പെക്ടർക്ക്‌ നിർദേശവും നൽകി. മലയിൻകീഴ് എസ് ബി സദനത്തിൽ പ്രവീൺകുമാർ കുറ്റ കൃത്യം ചെയ്‍തു എന്ന് കോടതി കണ്ടെത്തി. 2011ജൂലൈ 28ന് ആണ്‌ പെൺകുട്ടി മണക്കാട് ഉള്ള വാടക വീട്ടിൽ ഫാനിൽ കെട്ടി തൂങ്ങി ആത്‍മഹത്യ ചെയ്‍തത്.