ഉച്ചയുറക്കത്തിലായ ഭർതൃമാതാവിനെ മരുമകൾ പാറക്കല്ലു കൊണ്ട് തലയ്ക്കിടിച്ചു കൊന്നു. കൊല്ലം പൂത്തൂരിൽ രമണിയമ്മയാണ് മരിച്ചത്. മകൻ ബിമൽകുമാറിന്റെ ഭാര്യ ​ഗീരിതയെ പൊലീസ് അറസ്റ്റു ചെയ്തു. ഇന്നലെ ഉച്ച തിരിഞ്ഞ് രണ്ടരയോടെയാണ് സംഭവം നടന്നത്. കൊട്ടാരക്കരയിലെ സ്വകാര്യ ആശുപത്രിയിൽ ചികിത്സയിലായിരുന്ന രമണിയമ്മ ഇന്ന് മരിച്ചു. രമണിയമ്മയുടെ നിലവിളി കേട്ട് നാട്ടുകാർ ഓടിക്കൂടി. ​ഗിരിതയെ തടഞ്ഞുവച്ച് നാട്ടുകാർ പൊലീസിൽ ഏൽപ്പിക്കുകയായിരുന്നു.