സാമൂഹിക വിരുദ്ധശക്തികളെയും ഗുണ്ടാസംഘങ്ങളെയും കണ്ടെത്തി കര്‍ശന നടപടി സ്വീകരിക്കുന്നതിനുവേണ്ടി സ്പെഷ്യല്‍ ഡ്രൈവ് നടത്താന്‍ സംസ്ഥാന പോലീസ് മേധാവി ലോകനാഥ് ബെഹ്റ ജില്ലാ പോലീസ് മേധാവിമാര്‍ക്ക് നിര്‍ദ്ദേശം നല്‍കി. മുഖ്യമന്ത്രിയുടെ അധ്യക്ഷതയില്‍ തിരുവനന്തപുരത്തു നടന്ന ഉയര്‍ന്ന പോലീസ് ഉദ്യോഗസ്ഥരുടെ യോഗത്തില്‍ എടുത്ത തീരുമാനപ്രകാരമാണ് നടപടി.

ഇത്തരം ഡ്രൈവുകള്‍ തുടര്‍ച്ചയായി നടത്തണമെന്നും സംസ്ഥാന പോലീസ് മേധാവി നിര്‍ദ്ദേശിച്ചിട്ടുണ്ട്. മദ്യത്തിനും മയക്കുമരുന്നിനും അടിമകളായ ഇത്തരം സംഘാംഗങ്ങൾ പലപ്പോഴും മയക്കുമരുന്ന് കള്ളക്കടത്തു നടത്തുകയും ചെയ്യുന്നു. ഇത്തരം സംഘങ്ങളെ പിടികൂടി നിയമ നടപടി സ്വീകരിക്കുന്നതിനാണ് സ്പെഷ്യല്‍ ഡ്രൈവ് നടത്താന്‍ ഉദ്ദേശിക്കുന്നത്. മേഖലാ ഐ ജിമാരും റേഞ്ച് ഡി ഐ ജിമാരും ഈ സംവിധാനം നിരീക്ഷിക്കും.