കല്ലമ്പലം : പ്രായ പൂർത്തിയാകാത്ത പെൺകുട്ടിയെ പ്രണയം നടിച്ച് പ്രലോഭിപ്പിച്ച് വീട്ടിൽ കൊണ്ടുപോയി നിരന്തരം പീഡിപ്പിച്ച യുവാവ്‌ അറസ്റ്റിൽ . തട്ടത്തുമല പറണ്ടക്കുഴി ചരുവിള പുത്തൻ വീട്ടിൽ അൻസാഫ് (25) ആണ് അറസ്റ്റിലായത്. പെൺകുട്ടിയെ കഴിഞ്ഞ ദിവസം കാണാതായതിനെതുടർന്ന് രക്ഷകർത്താക്കൾ പള്ളിക്കൽ പൊലീസിൽ നൽകിയ പരാതിയിൽ കേസെടുത്ത് പള്ളിക്കൽ സി.ഐ അജി ജി. നാഥിന്റെ നേതൃത്വത്തിൽ എസ്.ഐ അനിൽ കുമാർ, ബിജുമോൻ, പിങ്ക് പോലീസിലെ വനിതാ എസ് ഐ അജിത എന്നിവരടങ്ങുന്ന സംഘം അന്വേഷണം നടത്തുകയും രാത്രിയോടെ യുവാവിനൊപ്പം പെൺകുട്ടിയെ കണ്ടെത്തുകയുമായിരുന്നു. മൊഴിയെടുത്ത ശേഷം പെൺകുട്ടിയെ രക്ഷകർത്താക്കളോടൊപ്പം വിട്ടയച്ചു. പോക്സോ പ്രകാരം യുവാവിനെതിരെ കേസെടുത്തു. മജിസ്ട്രേറ്റിനു മുന്നിൽ ഹാജരാക്കിയ പ്രതിയെ റിമാൻഡ്‌ ചെയ്തു.