തിരുവനന്തപുരത്ത് തിരുമലയിൽ ​ലൈംഗികപീഡനത്തിനിരയായി ആത്മഹത്യയ്ക്ക് ശ്രമിച്ച പതിനഞ്ചുകാരി മരിച്ചു. പെൺകുട്ടിയുടെ മരണമൊഴിയുടെ അടിസ്ഥാനത്തിൽ പിതൃസഹോദരനെ പൊലീസ് അറസ്റ്റ് ചെയ്തു. പീഡനവിവരം മറച്ചുവച്ചതിന് അമ്മയെ രണ്ടാംപ്രതിയാക്കി പൊലീസ് കേസെടുത്തു. ഉത്തർപ്രദേശ് ​ഗാസിയാബാദ് സ്വദേശിയായ മുക്കിമിനെയാണ് പൊലീസ് അറസ്റ്റ് ചെയ്തത്.

പെൺകുട്ടിയുടെ പിതൃസഹോദരനായ  പ്രതി വർഷങ്ങളായി പെൺകുട്ടിയുടെ വീട്ടിലാണ് കഴിഞ്ഞിരുന്നത്. അന്യസംസഥാനക്കാരായ ഇവർ അടച്ചുറപ്പില്ലാത്ത ഒരു ടെൻറ്റിൽ ആണ് താമസിച്ചിരുന്നത് . എട്ടു വയസ്സുമുതൽ പെൺകുട്ടിയെ പീഡിപ്പിച്ചുവരികയായിരുന്നെന്ന് പൊലീസ് പറഞ്ഞു. പീഡനത്തിൽ മനംനൊന്ത് പെൺകുട്ടി  ദേഹത്ത് മണ്ണെണ്ണ ഒഴിച്ച് തീകൊളുത്തുകയായിരുന്നു. ​ഗുരുതരമായി പൊള്ളലേറ്റ് മെ‍ഡിക്കൽ കോളേജിൽ ചികിത്സയിലായിരുന്ന പെൺകുട്ടി ഇന്നലെ പുലർച്ചെയാണ് മരിച്ചത്.പ്രതിയെ പൂജപ്പുര പൊലീസ് പോക്സോ വകുപ്പു പ്രകാരമാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.