ബോളിവുഡ് നടി ശിൽപ ഷെട്ടിക്കും ഭർത്താവ് രാജ് കുന്ദ്രക്കുമെതിരെ വഞ്ചനാകേസ് രജിസ്റ്റർ ചെയ്തു. നിതിൻ ബറായി എന്നയാളാണ് ബാന്ദ്ര സ്റ്റേഷനിൽ ഇവർക്കെതിരെ  പരാതി നൽകിയത്. 2014ൽ എസ്എഫ്എൽ ഫിറ്റ്നസ് ഡയറക്ടറായ കാസിഫ് ഖാൻ, ശിൽപ ഷെട്ടി, രാജ് കുന്ദ്ര എന്നിവർ അവരുടെ സ്ഥാപനത്തിൽ 1.5 കോടി രൂപ നിക്ഷേപിച്ചാൽ ലാഭം നൽകാമെന്ന് ഇവർ വാഗ്ദാനം ചെയ്തെന്നും പരാതിയിൽ പറയുന്നു.

എസ്എഫ്എൽ ഫിറ്റ്നസ് കമ്പനി ഒരു ഫ്രാഞ്ചൈസി അനുവദിക്കാമെന്നും ഡഹാസ്പർ, കൊറേഗാവ് എന്നിവിടങ്ങളിൽ ജിം, സ്പാ എന്നിവ ആരംഭിക്കാൻ സഹായിക്കാമെന്ന് വാഗ്ദാനം ചെയ്തിരുന്നെന്നും പരാതിയിൽ പറയുന്നു. വാഗ്ദാനങ്ങൾ നടപ്പാകാതിരുന്നപ്പോൾ പണം തിരികെ ചോദിച്ചെങ്കിലും ഇവർ ഭീഷണിപ്പെടുത്തിയെന്നും പരാതിക്കാരൻ ആരോപിച്ചു.