തിരക്കേറിയ ചെന്നൈ സെൻഡ്രൽ റെയിൽവേ സ്റ്റേഷനിൽ ജനമധ്യത്തിൽ കൊലപാതകം. റെയിൽവേ ചുമട്ടുതൊഴിലാളിയെ മറ്റൊരു പോർട്ടർ കല്ലുകൊണ്ട് തലയ്ക്ക് അടിച്ച് കൊന്നു. തിരുപ്പതി സ്വദേശി കുമാർ ആണ് കൊല്ലപ്പെട്ടത്.

ഒളിവിൽ പോയ പ്രതിക്കായി അന്വേഷണം തുടങ്ങി. യാത്രക്കാർ ട്രെയിൻ കാത്ത് റെയിൽവേ സ്റ്റേഷനിൽ ഇരിക്കുന്ന സമയത്താണ് കൊലപാതകം. വ്യക്തിപരമായ കാരണങ്ങളാണ് കൊലക്ക് പിന്നിലെന്ന് പൊലീസ് പറയുന്നു. ഇരുവരും കഴിഞ്ഞ 10 വർഷമായി ചെന്നൈ സെൻട്രൽ റെയിൽവേ സ്റ്റേഷനിൽ ജോലി ചെയ്യുന്നവരാണ്. കൊലപാതകത്തിന്റെ കാരണം അറിയാൻ അന്വേഷണം നടത്തുമെന്ന് റെയിൽവേ പൊലീസ് അറിയിച്ചു.