കൊച്ചി മറൈൻ ഡ്രൈവിലെ ഫ്‌ളാറ്റിൽ നിന്ന് വീണ് വീട്ട് ജോലിക്കാരി മരിച്ച സംഭവത്തിൽ ദുരൂഹതയുണ്ടെന്ന് ഭർത്താവ്. സംഭവം കൊലപാതകമാണെന്ന് മരിച്ച കുമാരിയുടെ ഭർത്താവ് ശ്രീനിവാസൻ ആരോപിച്ചു.  ഫ്‌ളാറ്റുടമായായ ഇംത്യാസിനെ സംരക്ഷിക്കാനാണ് പൊലീസ് ശ്രമം. ഫ്‌ളാറ്റുടമ പണം വാഗ്ദാനം ചെയ്തുവെന്നും അദ്ദേഹം ആരോപിച്ചു. നിലവിലെ പൊലീസ് അന്വേഷണം ശരിയായ രീതിയിൽ അല്ലെന്നും തങ്ങൾക്ക് പരാതി ഇല്ലെന്നും  വെള്ളപേപ്പറിൽ ഒപ്പിട്ടു മേടിച്ചുവെന്നും മരിച്ച കുമാരിയുടെ ബന്ധുക്കൾ ആരോപിക്കുന്നു. അതിനാലാണ് ആദ്യം കേസിന് പോകാതിരുന്നത്. പിന്നീട് യാതൊരു വിധത്തിലുള്ള സഹായവും ഫ്‌ളാറ്റുടമയുടെ പക്കൽ നിന്നുംലഭിച്ചില്ലെന്നും ശ്രീനിവാസൻ പറഞ്ഞു. വിഷയത്തിൽ കമ്മീഷണർക്ക് പരാതി നൽകാനാണ് കുടുംബത്തിന്റെ തീരുമാനം.