കരിപ്പൂർ വിമാനത്താവളം വഴി അനധികൃതമായി കടത്താൻ ശ്രമിച്ച 441.20 ഗ്രാം സ്വർണം പിടികൂടി. 22 ലക്ഷം രൂപ വില വരുന്ന സ്വർണമാണിത്. കഴിഞ്ഞ ദിവസം രാത്രി 11.30 മണിക്ക് ദുബായിൽ നിന്ന് കോഴിക്കോടെത്തിയ ഫ്ളൈ ദുബായ് എഫ്ഇസെഡ് 4313 വിമാനത്തിൽ നിന്നാണ് സ്വർണം പിടികൂടിയത്. കസ്റ്റംസ് പ്രിവന്റീവ് വിഭാഗമാണ് തെരച്ചിൽ നടത്തിയത്.

കാസർഗോഡ് സ്വദേശിയായ 57 വയസുള്ള യാത്രക്കാരനിൽ നിന്നാണ് സ്വർണം പിടിച്ചത്. ഇതിൽ 433ഗ്രാം സ്വർണ മിശ്രിതം ക്യാപ്സ്യൂൾ രൂപത്തിൽ ശരീരത്തിനുള്ളിലായിരുന്നു. 29.99 ഗ്രാം തൂക്കമുള്ള ഒരു സ്വർണ നാണയവും, 30.11 ഗ്രാം തൂക്കമുള്ള ഒരു സ്വർണ മോതിരവും പേഴ്‌സിനുള്ളിൽ ഒളിപ്പിച്ച നിലയിലാണ് കണ്ടെടുത്തത്. സ്വർണ മിശ്രിതത്തിൽ നിന്നും 381.11 ഗ്രാം സ്വർണം വേർതിരിച്ചെടുത്തു.