ലക്ഷദ്വീപ് കലക്ടർ അസ്‌കർ അലിയുടെ കോലം കത്തിച്ച് പ്രതിഷേധിച്ച സംഭവത്തിൽ നാല് യൂത്ത് കോൺഗ്രസുകാർ അറസ്റ്റിൽ. കിൽത്താൻ ദ്വീപിൽ പ്രതിഷേധിച്ചവരാണ് അറസ്റ്റിലായത്. സാമൂഹിക മാധ്യമങ്ങളിൽ പ്രചരിച്ച വീഡിയോയിലെ ദൃശ്യങ്ങളിൽ കണ്ടെത്തിയവരെയാണ് പോലീസ് അറസ്റ്റ് ചെയ്യുന്നത്. എന്നാൽ, പ്രതിഷേധം കാണാനെത്തിയ ആളുകളെ ഉൾപ്പെടെ അറസ്റ്റ് ചെയ്‌തെന്ന ആരോപണവും ഉയർന്നിട്ടുണ്ട്.

നേരത്തെ അറസ്റ്റിലായ 23 പേരെ റിമാൻഡ് ചെയ്ത് കിൽത്താനിലെ ഓഡിറ്റോറിയത്തിൽ പാർപ്പിച്ചിരിക്കുകയാണ്. കൊവിഡ് മാനദണ്ഡം പാലിച്ച് ഇവരെ താമസിപ്പിക്കാൻ സെല്ലുകളിൽ സൗകര്യമില്ലാത്തതിനാലാണിത്.