നിയമസഭ തെരഞ്ഞെടുപ്പിനുള്ള കോൺഗ്രസ് തെരഞ്ഞെടുപ്പ് കമ്മിറ്റിയെ പ്രഖ്യാപിച്ചു. 36 അംഗ തെരഞ്ഞെടുപ്പ് കമ്മിറ്റിയെയാണ് പ്രഖ്യാപിച്ചത്. മുതിർന്ന നേതാവ് കെ വി തോമസിനെ കമ്മിറ്റിയിൽ ഉൾപ്പെടുത്തിയിട്ടുണ്ട്.എ കെ ആന്റണി, ഉമ്മൻ ചാണ്ടി, മുല്ലപ്പള്ളി രാമചന്ദ്രൻ, രമേശ് ചെന്നിത്തല, വി എം സുധീരൻ ഉൾപ്പെടെയുള്ള മുതിർന്ന നേതാക്കളും പട്ടികയിലുണ്ട്. അനൗദ്യോഗിക അംഗങ്ങളായി നാല് പേരെയും ഉൾപ്പെടുത്തി. കെ സുധാകരൻ, കൊടിക്കുന്നിൽ സുരേഷ്, കെ സി വേണുഗോപാൽ, വയലാർ രവി, കെ മുരളീധരൻ തുടങ്ങിയവരും കമ്മിറ്റിയിൽ ഉൾപ്പെട്ടിട്ടുണ്ട്.