നേതാജി സുഭാഷ് ചന്ദ്രബോസിന്‍റെ 125-ാം ജന്മവാർഷികത്തോടനുബന്ധിച്ച് ജനുവരി 23 ന് ഹൗറ-കൽക്ക മെയിലിനെ ‘നേതാജി എക്സ്പ്രസ്’ എന്ന് പുനർ‌നാമകരണം ചെയ്യുമെന്ന് ഇന്ത്യൻ റെയിൽ‌വെ. റെയിൽവേ മന്ത്രി പീയൂഷ് ഗോയലാണ് ഇക്കാര്യം ട്വിറ്ററിലൂടെ അറിയിച്ചത്.കൊൽക്കത്തയിലെ ഹൗറയെ ഹരിയാനയിലെ കൽക്കയുമായി ബന്ധിപ്പിക്കുന്ന ഇന്ത്യയിലെ ഏറ്റവും പഴക്കം ചെന്ന ട്രെയിനാണ് ഹൗറ-കൽക്ക മെയിൽ. 1941 ൽ കൊൽക്കത്തയിലെ വീട്ടിൽ നിന്ന് രക്ഷപ്പെട്ട ബോസ് ബിഹാറിലെ ഗോമയിൽ നിന്ന് കൽക്ക മെയിലിൽ കയറിയെന്നാണ് ചരിത്രം.